Bombardimet e Izraelit në Gaza, vritet futbollisti i përfaqësueses së Palestinës së bashku me 9 familjarët e tij

10:45 | 18 Tetor 2024
Q L

Një sulm ajror izraelit në lindje të Khan Younis në Rripin jugor të Gazës vrau futbollistin palestinez Imad Abu Tima, 21 vjeç, së bashku me nëntë anëtarë të familjes së tij.

Abu Tima luajti për klubin Ittihad Khan Younis dhe përfaqësoi kombëtaren e Palestinës U-20 në vitin 2021, sipas raportimeve të mediave.

Abu Tima është një nga mbi 400 atletët palestinezë të vrarë në sulmin e Izraelit në Rripin e Gazës, sipas të dhënave nga Komiteti Olimpik Kombëtar i Palestinës.

Në korrik, Shoqata e Futbollit të Palestinës tha se të paktën 245 futbollistë u vranë nga Izraeli në Gaza, duke përfshirë 69 fëmijë dhe 176 të rinj.

Lajmi vjen pasi FIFA, organi qeverisës i futbollit ndërkombëtar, ka vonuar në mënyrë të përsëritur një votim për ndalimin e Izraelit nga garat./tch/